PHATLALATSO YA DITABA
E TLA NTSHWA HANGHANG
01 PHATO 2024, PRETORIA
Lekgotla la Dipuo Tsohle tsa Afrika Borwa (PanSALB) le Keteka Dilemo tse 200 Sesotho e le Puo e Ngotsweng
Lekgotla la Dipuo Tsohle tsa Afrika Borwa (PanSALB) le latela Setjhaba sa Basotho ha se keteka dilemo tse 200 Sesotho se ntse se ngolwa. Ho ketekwa hona ho tsamaellana le Selemo se Setjha sa Basotho se ketekwang ka kgwedi ya Phato. Ho latela botjhaba ba Basotho, kgwedi ya Phato e bontsha qaleho ya selemo se setjha le qaleho ya temo ya pele ya dijalo.
Jwalo ka e nngwe ya dipuo tse buuwang ke batho ba bangata mona Afrika Borwa, Sesotho se na le botjhaba bo ruileng ba puo. Poloko le phahamiso ya Sesotho jwalo ka puo e ngotsweng e dula e le taba ya bohlokwa ho baballa boitshupo ba botjhaba le meetlo ya Basotho.
Ho tlotla mokete ona o moholo, PanSALB e thabetse ho keteka phihlello ena e bohlokwa ka tshebedisano le bomphato ba fapaneng ba mawa ba jwalo ka Ditshebeletso tsa Laeborari le Tlhahisoleseding tsa Yunivesithi ya Freistata (UFS), Lefapha la Dipapadi, Bonono, Botjhaba la Freistata, SADiLaR le CoGTA ka mekete e fapaneng e tla tshwara ho potoloha le Freistata ho qolla bohlokwa bo boholo ba Sesotho le ho ba sebaka bakeng sa dirutehi, basebetsi ka puo, le batho ba nang le tsheseho ya puo ho ba le puisano e fahlollang e mabapi le tsa nako e fetileng, ya jwale, le bokamoso ba Sesotho jwalo ka puo e ngotsweng. Jwalo ka puo e buuwang dinaheng tse ding, Mekete ya Sesotho e kenyelletsa bankakarolo
