Mongwadi
Dimakatso Charity Kgwadi
Moya go foka wa thušano le lethabo phorofentsheng ya Limpopo. PanSALB ka phorofentsheng ye e etetše lefelo la batšofe la Martha Hofmeyr ka Polokwane, ka maikemišetšo a go keteka letšatši la Mandela. Letšatši le go lona go a ketekwa le go thuša ba bangwe ka ge go gopolwa mengwa ye 67 yeo Morena Nelson Mandela a dutšego kgolegong ka yona.
Bošomi ba PaSALB ka Limpopo ba tšwele ka makanamane ka ge ba ile ba fetša metsotso ya bona ye 67 ba balela batšofe dikanegelo le ditheto tša go fapanafapana. Ka ntle ga fao, ba ile ba dula le go boledišana le bona. Go thuša ga se fela ka mašeleng eupša le nako ya motho e ka dira phapano setšhabeng.
PanSALB e ile ya amogelwa ka lerato ke baetapela ba lefelo leo. Ka ntle le go balela batšofe, PanSALB e ile ya neelana ka dipuku tša go lekana lekgolo lefelong leo. Batšofe ba bontšhitše kgahlego ya go tseba ka ga PanSALB, bašomi ba PanSALB ba ile ba hlalosa go tlala seatla ka gore PanSALB ke eng le gore mošomo wa yona ke eng.
