By ANLB Chairperson
Die Nasionale Taalliggaam vir Afrikaans wens graag die konvenor van ons tegniese komitee vir letterkunde, me. Lynthia Julius, hartlik geluk met die Eugène Maraisprys vir Poësie wat deur die Suid-Afrikaanse Akademie vir Wetenskap en Kuns aan haar toegeken is vir haar digbundel Kinderlê. Hierdie prys word toegeken vir ’n skrywer se eerste of tweede bellettristiese werk in Afrikaans. Sedert 2023 word hierdie prys jaarliks om die beurt toegeken vir prosa die een jaar en vir poësie of drama die volgende jaar. Dit is vir ons ’n eer om iemand van me. Julius se kaliber aan die stuur van ons letterkundekomitee te hê.
