Huvo yo Angarhela ya Tindzimi ta Afrika-Dzonga (HATAD) yi rhamba swirho swa vaaki, ngopfungopfu lava nga swidyondzeki, vativi va mfuwo, ndhavuko na swisimekiwa swa vaaki, leswi nga na ku tsakela eka tindzimi, ku hlawula swirho leswi nga ta tekeriwa enhlokweni ku thoriwa eka Tihuvo ra Rixaka ta Tindzimi ta ximfumo (Xisuthu xa N’walungu, Xisuthu, Xitswana, Xiswazi, Xivhenda, Xitsonga, Xibunu, Xinghezi, Xindhevele, Xiqhoza, Xizulu, na Ririmi ra Swikoweto ra Afrika-Dzonga) na tindzimi ta Khoyi na Sani.
Huvo yin’wana na yin’wana yi ta tirha hi ku landza Xiyenge xa 8(8) xa Nawu wa Huvo yo Angarhela ya Tindzimi ta Afrika-Dzonga (Nawu 59 wa 1995), lowu pfuxetiweke, na Milawu ya HATAD ya Tihuvo (Xitiviso xa Bodo xa 94 xa 2005, lexi pfuxetiweke).
Swirho swi ta tirha hi mikarhi yo karhi ku ringana malembe ma ntlhanu kusuka eka siku leri swi thoriweke. A ku na tihakelo hikuva i ntirho lowu endliwaka ku tirhela rixaka. HATAD yi ta hakela ntsena ku famba na vuetlelo bya swirho leswi thoriweke eka tihuvo.
Swirho swi fanele ku va swi khorwisa ku va na swilaveko leswi landzelaka:
• Ku va vavulavurixidzi swa ririmi leri swi thoriwaka eka rona;
• Ku tsakela no tinyiketela ku hluvukisa na ku tirhisiwa ka ririmi leri swi thoriwaka eka rona;
• Ku va na ntokoto na vutivi byo enta hi ririmi leri swi thoriwaka eka rona na vutivi bya xin’we xa leswi landzelaka: ndzinganeriso wa ririmi, nhluvukiso wa matheme, lekizikhogirafi, matsalwa na vuhangalasamahungu, vuhundzuluxeri na vutoloki, na thekinoloji ya swa ririmi.
Ku hlawula ku fanele ku endliwa hi ku tsariwa kunene naswona ku fanele ku katsa vuxokoxoko lebyi landzelaka:
• Xiyimo, mavito hi ku hetiseka, adirese (ya vutshamo na poso), na vuxokoxoko bya vutihlanganisi (imeyili na tinomboro ta rinqingho) swa muhlawuriwa, tsalwavutitivisi ta matluka mambirhi. Tsalwavutitivisi ri fanele ku katsa na mavito mo helela ma muhlawuriwa, nomboro ya pasi, rimbewu, na vuxokoxoko bya vutihlanganisi (imeyili na tinomboro ta rinqingho), adirese (ya vutshamo na poso), vito ra xifundzakulu lexi swi tshamaka eka xona, nhlamuselo yo koma ya ntokoto, vutivi na vutshila eka ririmi kumbe mfuwo.
• Tikhopi ta pasi na swa tidyondzo.
• Na vuxokoxoko byin’wana lebyi nga katsaka mavito na vuxokoxoko bya vutihlanganisi bya vanhu vambirhi va nkambelo. Un’we wa vona u fanele ku va a suka eka xiyenge xa swa ririmi, mfuwo, ndhavuko, kumbe xisimekiwa xa vaakatiko.
• Ku laveka na phepha rin’we leri sayiniweke hi muhlawuri ri karhi ri bumabumela leswaku hikwalahokayini a vona loyi a n’wi hlawuleke a ringanerile ku hoxa xandla eka ku hluvukisa na ku tirhisiwa ka ririmi leri a hlawuriwaka eka rona.
• Fomo ya xikombelo yi fanele ku sayiniwa hi ku hetiseka hi muhlawuri, museketeri na muhlawuriwa.
A ku na ku hlawula loku nga ta amukeriwa loko hinkwaswo leswi boxiweke laha henhla swi nga katsiwangi.
Mahungu hi xitalo hi mayelana na maendlelo na swilaveko, u nga ha endzela webusayiti ya HATAD eka www.pansalb.org kumbe u tihlanganisa na:
Mnn Joyce Ngcobo Rnq: (012) 341 9638 Fks: (012) 341 5938 Imeyili: ngcoboj@pansalb.org
Mapapila mo hlawula a ma rhumeriwe eka: The Chief Executive Officer Attention: Language Division, Pan South African Language
Board Hi imeyili: nominations-nlbs@pansalb.org Hi poso: Private Bag X08, Arcadia, 0007
Hi voko: 5th Floor, Provisus Building, 523 Stanza Bopape Street Arcadia, 0083
Siku ro pfala: 23 Nyenyanyana 2024
Lemuka leswaku swikombelo swo rhumeriwa hi fekisi swi nge amukeriwi.
