Nawu wa Huvo yo Angarhela ya Tindzimi ta Afrika-Dzonga (Nawu 59 wa 1995, lowu pfuxetiweke), eka xiyenge xa 8(8)(c), wu pfumelela HATAD ku simeka Tiyuniti ta Rixaka ta Lekizikhogirafi ku tumbuluxa tidikixinari ta ririmin’we ta tindzimi ta ximfumo. Tiyuniti ti tlakusa nhluvukiso wa ririmi hi ku tumbuluxa tidikixinari na switsariwa swin’wana swo fambelana eka tindzimi ta Afrika-Dzonga ta Ximfumo. Ti fanele ku tirha tanihi hi tikhampani hi ku landza Nawu wa Tikhampani (Nomboro 71 wa 2008).
Xirhambo lexi xi rhamba swirho swa vaaki na swidyondzeki, vativi va mfuwo, ndhavuko na swisimekiwa swa vaaki, ku hlawula vanhu lava nga ta tirha eka tiyuniti to hambanahambana tanihi hi Tibodo ta Valawuri (Xisuthu xa N’walungu, Xisuthu, Xitswana, Xiswazi, Xivhenda, Xitsonga, Xibunu, Xinghezi, Xindhevele, Xiqhoza, na Xizulu). Bodo ya Valawuri ya yuniti yin’wana na yin’wana yi ta pfuneta ku letela yuniti ku humelerisa tidikixinari ta ntikelo ta tindzimin’we na switsariwa swin’wana swa lekizikhogirafi leswi xikongomelo xa kona ku nga ku tlakusa ku hluvukisiwa na ku tirhisiwa ka tindzimi hi vavulavuri va tona, eka dyondzo, na le ka tindhawu tin’wana ta ximfumo. Tanihi yin’wana ya mitirho ya tona, Bodo ya Valawuri yi ta tlhoma mahlo eka timhaka ta swa timali, vatirhi na switirhisiwa swin’wana leswi vaka kona ku pfuneta ku hluvukisiwa ta tindzimi hi tlhelo ra marito, ku tumbuluxa na ku lulamisa tipholisi na mikunguhato leyi faneleke ku landzeleriwa ku humelerisa swikongomelo leswi fambelanaka na ku humelerisa, kandziyisiwa na ku navetisiwa ka tidikixinari na switsariwa swin’wana swo yelana.
SWILAVEKO/NTOKOTO
Muhlawuriwa u fanele ku va na ntsakelo wa nhluvukiso wa ririmi. Ehenhla ka sweswo, u fanele ku va na ntokoto wun’we eka leswi landzelaka:
1. Vutivi hi tlhelo ra lekizikhogirafi (ku humelerisa tidikixinari), lexi ku nga xilaveko xa le henhla,
2. Vutshila bya mafambiselo na vurhangeri,
3. Vutshila byo fambisa swa timali,
4. Vutivi bya swa nawu, kumbe
5. Vutshila bya vuxavisi.
6. Vutivi bya vuxokoxoko bya tisisitimi ta Thekinoloji.
7. Thekinoloji ya Ririmi ra vanhu.
Xirho xi fambene ku va muvulavurixidzi wa ririmi leri xi hlawuriwaka eka rona.
Ku hlawula ku fanele ku endliwa hi ku tsariwa kunene naswona ku fanele ku katsa vuxokoxoko lebyi landzelaka:
• Xiyimo, mavito hi ku hetiseka, adirese (ya vutshamo na poso), na vuxokoxoko bya vutihlanganisi (imeyili na tinomboro ta rinqingho) swa muhlawuriwa, tsalwavutitivisi ta matluka mambirhi. Tsalwavutitivisi ri fanele ku katsa na mavito mo helela ma muhlawuriwa, nomboro ya pasi, rimbewu, na vuxokoxoko bya vutihlanganisi (imeyili na tinomboro ta rinqingho), adirese (ya vutshamo na poso), vito ra xifundzakulu lexi swi tshamaka eka xona, nhlamuselo yo koma ya ntokoto, vutivi na vutshila eka ririmi
kumbe mfuwo.
• Tikhopi ta pasi na swa tidyondzo.
• Na vuxokoxoko byin’wana lebyi nga katsaka mavito na vuxokoxoko bya vutihlanganisi bya vanhu vambirhi va nkambelo. Un’we wa vona u fanele ku va a suka eka xiyenge xa swa ririmi, mfuwo, ndhavuko, kumbe xisimekiwa xa vaakatiko.
• Ku laveka na phepha rin’we leri sayiniweke hi muhlawuri ri karhi ri bumabumela leswaku hikwalahokayini a vona loyi a n’wi hlawuleke a ringanerile ku hoxa xandla eka ku hluvukisa na ku tirhisiwa ka ririmi leri a hlawuriwaka eka rona.
• Fomo ya xikombelo yi fanele ku sayiniwa hi ku hetiseka hi muhlawuri, museketeri na muhlawuriwa.
A ku na ku hlawula loku nga ta amukeriwa loko hinkwaswo leswi boxiweke laha henhla swi nga katsiwangi.
Mahungu hi xitalo hi mayelana na maendlelo na swilaveko, u nga ha endzela webusayiti ya HATAD eka www.pansalb.org kumbe u tihlanganisa na:
Ms Nonkululeko Mkhize Rnq: (012) 341 9638 Imeyili: nonkululeko@pansalb.org
Mapapila mo hlawula a ma rhumeriwe eka: The Chief Executive Officer, Attention: Language Development and Use, Pan South African
Language Board Hi imeyili: nominations-nlu@pansalb.org Hi poso: Private Bag X08, Arcadia, 0007
Hi voko: 5th Floor, Provisus Building, 523 Stanza Bopape Street, Arcadia, 0083
Siku ro pfala: 23 Nyenyanyana 2024
Lemuka leswaku swikombelo swo rhumeriwa hi fekisi swi nge amukeriwi.
NLUs Call for nomination – Xitsonga
Nomination Form for NLUs Xitsonga
