Umsitho wokukhumbula nokuvuyisana noSuku loLwimi lweNkobe kwiLizwe liphela ububanjelwe kwi-Iziko South African Museum ngomhla wama21 kwinyanga yoMdumba 2026. Lo msitho ubuzinyaswe yiOfisi yeBhodi yoLwimi kwiPhondo laseNtshona Kapa (PanSALB), iSebe lezeMfundo kwiNtshona Kapa (WCED), Iziko South African Museums, iSebe leNkcubeko neMidlalo kwiNtshona Kapa, iYunivesiti yobuChwephesha yaseKapa (CPUT), kunye neYunivesiti yaseKapa.
UNks. Thubelani, ibambelamlawuli kwezemfundo kwiIziko South African Museum, wamkele zonke iindwendwe, abafundi, ootitshala, kwakunye nemibutho abasebenzisana nayo. UGqirha Nomfundo Mali unike intsusa nenjongo yoSuku loLwimi lweNkobe kwiLizwe liphela waye wakudibanisa oku nokhuphiswano lopelo-magama kwiBanga lesi4. Olu khuphiswano luqhutywe ngesiXhosa nesiAfrikaans.
Umxholo woSuku loLwimi lweNkobe kwiLizwe liphela ngo2025 ubusithi “Iilwimi ezininzi, Ikamva elinye: Amazwi olutsha kwimfundo engelwimi ezininzi.”
Injongo yoSuku loLwimi lweNkobe kwiLizwe liphela kukwazisa ulwazi ngeelwimi, ukwahlukana ngokwenkcubeko kwakunye nosetyenziso leelwimi ezininzi. IPanSALB inikezele ngezatifikethi kubafundi abathathe inxaxheba, iikhompyutha ezincinci eziphathekayo ezintlanu (tablets), kwakunye nezakhelo zezatifikethi kwabaphumeleleyo.
Imiyalezo yenkuthazo kwabathathe inxaxheba iphume kula maziko alandelayo: Nks. Karen Dudley, Umlawuli weGET Kharityhulam, kwiSebe lezeMfundo eNtshona Kapa; Mnu. Zukile Jama, ilungu leKomiti yoLwimi eNtshona Kapa; kunye noNks. Zukiswa Zono, ophuma kwiProjekthi yeMfundo engeLwimi ezininzi kwiYunivesiti yaseKapa.
Abafundi abaphumeleleyo kuKhuphiswano loPelomagama ngesiXhosa kwiBanga lesi4 ngaba: Aphezile Sigadla (Ikaya Primary), Mbalentle Nyongwana (Abedare Primary School), Lerato Leshomo (Chumisa Primary School), Ntando Mbobo (Chumisa Primary School), kunye noOnwabile Maswili (Parliament Street Primary School).
Kanti abaphumeleyo kupelomagama ngesiAfrikaans ngaba: Anine Tredoux (Durbanville Primary School), Hilda Van Wyk (Gene Louw Primary School), Petronela Gouws (Jan Van Riebeeck Primary School), Peyton Bothma (Bellpark Primary School), and Thys Schoeman (Durbanville Primary School). Lo msitho ubuyimpumelelo.
