NguLwandile Maswana
Kulusizi ukufumana iindaba ezibuhlungu zokunduluka kukaMnu. John Ntshibilikwana. UMnu. Ntshibilikwana ebesaziwa njengomntu onothando netoliki ezimeleyo enamava kakhulu. Usebenzele amasebe ephondo neSixeko seKapa iminyaka engaphezulu kwamashumi amabini.
UMnu. Ntshibilikwana ebeyitoliki enobuchule ezithetha ngobuchule iilwimi ezintathu ezisemthethweni kweli phondo. Utolike kwiindibano zeBhunga, kwiindibano zoluleko, kwiindibano zamabhungana nakwiminyhadala yokuthatha inxaxheba yoluntu. Usweleke eneminyaka engamashumi alithoba ubudala. UMnu. Ntshibilikwana ebengumntu ohloniphekileyo nothembakele kakhulu kumsebenzi wakhe. Imvelaphi yakhe iseRhafu (Robet Sobukhwe) eMpuma Koloni. Ebengumhlali eGugulethu, imvumi ehloniphekileyo nebalaseleyo. Amava akhe nezakhono zobutoliki nokufundisa zibe yintsikelelo yokwenene kuluntu jikelele. Igalelo lakhe kwiPhondo leNtshona Koloni lohlala likhumbuleka. Sithi siliPhondo laseNtshona Koloni, ‘lala ngoxolo Mnu. Ntshibilikwana, ugqatso lwakho ulufezile, umzamo wakho uwuzamile. Isizukulwana sangomso siya kuthi ngamana ngegalelo lakho kuphuhliso nolondolozo lweelwimi ezisemthethweni zePhondo leNtshona Koloni. Sohlala sikukhumbula ngobuthandazwe nenkonzo engenachaphaza esizweni.’
