NguLwandile Maswana
INgqungquthela yeeLwimi yeSizwe, ebibanjelwe eKapa, eMzantsi Afrika, ngomhla we16-17 kweyoKwindla 2026, idibanise abachaphazelekayo ngenjongo yokuphuhlisa ukusetyenziswa ngokulinganayo kweelwimi ezisemthethweni ezili12, kuquka noLwimi lweMiqondiso loMzantsi Afrika. Ibiququzelelwe liSebe lezeMidlalo, uBugcisa neNkcubeko (DSAC), iBhodi yeeLwimi yoMzantsi Afrika (PanSALB), kunye neSADiLaR. Umsitho lo ubujonge ukudala isicwangcisoqhinga solwimi esinye, ukukhuthaza iilwimi zemveli kwiinkalo zedijithali, kunye nokomeleza amalungelo eelwimi.
Abathunywa banike iingxelo ngezimvo eziphambili kunye neziphakamiso ezivela kwiikomishini zeenkalo ezahlukileyo. Kumiselwe iQumrhu loQuquzelozingqungquthela zoLwimi nelithe laphehlelelwa ngokusesikweni nguMphathiswa. Oku kuphawula inqanaba elilandelayo lokujongana nemingeni yokusetyenziswa kweelwimi ezininzi, ukukhuthaza ulondolozo lweelwimi zemveli, nokumilisela uMthetho iUse of Official Languages Act olawula ukusetyenziswa kweelwimi ezisemthethweni ukuze kuqinisekiswe ulungelelwano kusetyenzisozilwimi.
UMphathiswa uGayton McKenzie ukwamkela ngokusesikweni iSibhengezo seNgqungquthela le, ze wanika intetho yokuvala, eqinisekisa ukubaluleka kokwahluka kweelwimi njengondoqo kwiSizwe esiNkcubekozahlukileyo sethu.
