Phindile Mahlalela
Inyanga yeNhlaba igujwa njengeNyanga Yelusha kuhlonipha lichaza leladlalwa bantfu labasha ekulweni nelubandlululo kanye neMvukela wase Soweto nga- 1976. Umvukela waseSoweto waba liphuzu lekugucuka emzabalazweni wenkhululeko eNingizimu Afrika. Ngemuva kwekusungulwa kwentsandvo yelinyenti nga-1994, inyanga yenhlaba yamenyetelwa njengeNyanga Yelusha, kantsi mhla tinge-16 Inhlaba yamenyetelwa njengeLilanga Lelusha Lavelonkhe.
Lomkhosi wekugubha wa-2026 ubanjwe ngaphasi kwengcikitsi letsi- RESET@50 Likusasa Liyabita, ngesiqubulo lesitsi “Kutinikela Kwetfu Kwavelonkhe, Kutsi Inkhululeko Iphile Kuto tonkhe titukulwane.
Ikhomishini Yemalungelo Eluntfu ibungate lusuku lwebantfu labasha mhlatinge-16 Inhlaba Esifundzeni saseMpumalanga esigodzini saseDayizenza lapho bekuhlangene bantfu labasha, Ematiko aHulumende lehlukene, Dokotela Bhunda lovela eNyuvesi yaseMpumalanga ukhutsate bantfu labasha watsi kuleminyaka lengemashumi lasihlanu 50 bantfu labasha balwela kulingana nekuhlonishwa kwetilwimi ikakhulukati leto letisalele emava. Lugondvo luphoswa kubantfu labasha labakhona kutsi lamatfuba bawasebentise, Ngobe kwalelwa kutsi kube nekulingana etilwimini letifundvwako etikolweni. Bhuda uphindze wakhutsata lusha ngekubacocela luhambolwakhe lwekuya enyuvesi, watsi amange kube lula kodvwa ngekutimisela nekutinikela kungako lamuhla ufundze wate waba nguDokotela ngenca yelichaza leladlalwa bantfu labasha banga-1976.
Lamanye malunaga agcugcutele kakhulu kusentjentiswa kwelilungelo lelulwimi, Ngobe kuyacaca kutsi bantfu labasha banga-1976 baveta kubaluleka kwelulwimi njengelithulusi lelinemandla ekwenta tintfo lebatifunako, nalokwenta kutsi lukhone kukhulisa umnotfo kanye nekusungulwa kwematfuba emsebenti. kungako i-PanSALB ikhutsata imfundvo lemiselwe kutfutfukiswa kwelulwimi lwasekhaya(MTbBE),kantsi inhlose kutsi kuniketwe naletilwimi lebetibekelwe eceleni ngaphambilini litfuba lelincono lekutfola imfundvo lencono. bagcugcutelwa bantfu labasha kutsi batsetse lichaza ekutfutfukisweni tilwimi ngebuhlakani bekwenta losebukhoba (AI) Muntfu lomusha Sukuma utibutse.
SITUKULWANE LESINGAKHONONI KODVWA LESITINIKELAKO!
