ḼIṄWALO-MVISWA ḼA VHO RAMAFHUNGO ḼINE ḼA ḒO U BVISWA NGA TSHIHAḒU
08 ṰHAFAMUHWE 2023, PRETORIA
Vha PanSALB KHOU ḒO U VHA NA INDABA YA LUAMBO LWA ZWANḒA AFRIKA TSHIPEMBE (SASL)
Sa ndiḽa ya u pembelela Ḓuvha ḽa Dzitshaka ḽa Nyambo dza Ḓamuni (IMLD) kha uno ṅwaha, Vha Bodo Nyangaredzi ya Nyambo dza Afrika Tshipembe (PanSALB) nga Ḽavhuna, 09 na Ḽavhuṱanu,10 Ṱhafamuhwe 2023, vha khou ḓo u fara muṱangano wa Indaba wa Luambo Lwa Zwanḓa Afrika Tshipembe (SASL) ngei Premier Hotel, OR Tambo, 73 Gladiator Street, Kempton Park ngei Johannesburg
Tshipikwa tshihulwane tsha uyu muṱangano wa u tou thoma wa SASL Indaba ndi u sumbedza ndeme ya ṱhalusamaipfhi na ndinganyiso ya muṅwalo/luambo lwa SASL kha ḽino shango, kha u ṱoḓa u rwela tshiganḓo lwa tshiofisi SASL. Vhathu vhane vha khou lavhelelwa u dzhenela uyu muṱangano vhaḓivhi vha Luambo Lwa Zwanḓa Afrika Tshipembe u bva magudedzini o fhambanaho, vhaofisiri vha muvhuso, vhagudisi vha vhana vha madzinganḓevhe na vhaṱoḓisisi. Nyambedzano kha uyu muṱangano dzi ḓo lavhelesa zwithu zwine zwo no itwa, khaedu, zwishumiswa, mvelele, na vhukonani kha ndiḽa dza u linganyisa Luambo Lwa Zwanḓa Afrika Tshipembe.
VHA NNḒU DZA KHASHO VHA KHOU RAMBIWA U VHA HONE KHA UYU MUṰAṰISANO NGA NḒILA I TEVHELAHO:
Datumu: 09 -10 Ṱhafamuhwe 2023
Fhethu: Premier Hotel, OR Tambo, Gladiator Street, Kempton Park ngei Johannesburg
Tshifhinga: 11h00 -17h00
Vha fhindula kha: Vho Siphiwe Mabasa, siphiwe@pansalb.org kana Vho Musa Sekese, musa@pansalb.org
Zwine zwa yelana na Nyanḓadzamafhungo: Ntombentle Huluhulu ( Muhulwane: Mimaraga na Vhudahidzani) Luṱingo: 061 581 5216
