Bodonyangaredzi ya Nyambo ya Afrika Tshipembe (PanSALB) i khou ramba miraḓo ya lushaka nga maanḓa vhoradzipfhunzo, vhaḓivhi vha mvelele, vha sialala, na zwiimiswa zwapo, vhane vha vha na dzangalelo kha zwa nyambo u nanga vhathu vhane vha tea u vha miraḓo ya Khoro dza Lushaka dza Nyambo(NLBs) kha PanSALB vho imela nyambo dza tshiofisi (Sepedi/Sesotho sa Leboa, Sesotho, Setswana, Siswati, Tshivenḓa, Xitsonga, Afrikaans, English, isiNdebele, isiXhosa, isiZulu, na Luambo lwa Zwanḓa lwa Afrika Tshipembe (SASL) khathihi na nyambo dza vha lushaka lwa Khoisan.
NLB iṅwe na iṅwe i shuma u ya nga tshiteṅwa tsha vhu 8(8)(b) tsha tshanduko ya mulayo wa vhu 59 wa ṅwaha wa 1995 wa Bodonyangaredzi ya Nyambo ya Afrika Tshipembe na maitele na milayo ya NLB ya ḽiṅwalomviswa ḽa khoro ḽa vhu 95 ḽa ṅwaha wa 2005, ḽo bviswaho nga huswa.
Miraḓo vha ḓo shuma sa mushumo wa tshifhinganyana lwa miṅwaha miṱanu u bva ḓuvha ḽe vha tholwa. A hu nga ḓo vha na mbadelo sa izwi uyu mushumo u tshi dzhiiwa sa mushumo wa u shumela lushaka. PanSALB i ḓo badela zwiendedzi na vhulalo ha miraḓo yo khethwaho u shuma kha khoro ya lushaka ya nyambo.
Vhoṱhe vhane vha tama u ima sa vho nkhetheni vha tea u swikelela ṱhoḓea dzi tevhelaho:
• Vha vhe vha tshi shumisa ulwo luambo sa lwa ḓamuni.
• Vha vhe vha muthu wa u swela, u ḓi kumedzela na u ḓi dzhenisa kha mveledziso ya luambo na u shumiswa ha luambo lwonolwo.
• Vha vhe na nḓivho yo khetheaho nahone vha vhe vhe muḓivhi kha zwiteṅwa zwi tevhelaho zwa nyambo: ndinganyiso ya luambo, mveledziso ya theminoḽodzhi, ṱhalusamaipfhi, maṅwalwa na nyanḓadzamafhungo, vhupinduleli na vhuḓologi, luambo pfhunzoni, thekhnoḽodzhi ya nyambo dza vhathu.
Zwa u nangwa zwi tea u itwa nga u tou ṅwalwa ho katelwa zwi tevhelaho:
• Vhuimo, madzina nga vhuḓalo, ḓiresi (ya vhudzulo na ya poswo), zwidodombedzwa zwa vhudavhidzani (imeiḽi na nomboro ya luṱingo) zwa munangiwa, masiaṱari mavhili a zwidodombedzwa zwa vhuṋe (CV) zwa munangiwa. Afho kha zwidodombedzwa zwa vhuṋe(CV) hu tea u bviselwa khagala zwi tevhelaho: madzina a munangiwa nga vhuḓalo, nomboro ya basa, mbeu, zwidodombedzwa zwa vhudavhidzani (imeiḽi na nomboro ya luṱingo), ḓiresi (ya vhudzulo na ya poswo), vundu ḽine a bva khaḽo, ṱhalutshedzo pfhufhi ya tshenzhemo, nḓivho, na vhukoni siani ḽa luambo kana mvelele.
• Ndalukanyo dza ngudo na khanḓiso ya basa zwa munangiwa zwo khwaṱhisedzwaho kana u givhiwa/sainwa mapholisani.
• Zwiṅwe zwidodombedzwa zwi tikedzaho ho katelwa na madzina na zwidodombedzwa zwa vhudavhidzani zwa vhathu vhavhili vhane vha nga kwamiwa. Muthihi wa vhenevho vhathu u tea u vha a tshi bva kha tshiimiswa kana dzangano ḽa zwine zwa kwama luambo, mvelele, sialala, zwapo kana zwa vhadzulapo.
• Ḽiṅwalo ḽa siaṱari ḽithihi ḽo sainwaho nga muthu ane a khou nanga ḽine ḽa bvisela khagala mbuno dza uri ndi ngani vha tshi vhona uyo we vha mu nanga a tshi swikelela ṱhoḓea dza mveledziso ya luambo.
U nangiwa hoṱhe hu songo ḓi tikaho nga izwo zwo dodombedzwaho afho nṱha a hu nga ṱanganedzwi.
U wana vhuṱanzi nga vhuḓalo nga ha maitele a zwithu na ṱhoḓea vha nga dalela lubuvhisia lwa Bodonyangaredzi ya Nyambo ya Afrika
Tshipembe (PanSALB) ya www.pansalb.org kana vha kwama nga luṱingo:
Vho Joyce Ncobo Kha: (012) 341 9638 Fekisi: (012) 341 5938 Imeiḽi: ngcoboj@pansalb.org
Zwa u dzinginya kana u nanga zwi tea u rumelwa kha: Muofisi Mulangi Muhulwane, Kha: Khethekanyo ya Nyambo, Bodonyangaredzi ya Nyambo dza Afrika Tshipembe
Nga imeiḽi: nominations-nlbs@pansalb.org Nga poswo kha: Private Bag X08, Arcadia, 0007
Nga tshanḓa vha nga isa: 5th Floor, Provisus Building, 523 Stanza Bopape Street Arcadia, 0083
Ḓuvha ḽa u vala: 23 Luhuni 2024
VHA DZHIELE NṰHA URI A HU NGA ḒO ṰANGANEDZWA KHUMBELO DZA U NANGA DZINE DZA ḒO RUMELWA NGA FEKIS
