Tshanduko ya mulayo wa vhu 59 wa ṅwaha wa 1995 wa Bodonyangaredzi ya Nyambo ya Afrika Tshipembe, tshiteṅwa8(8)(c), i tendela Bodonyangaredzi ya Nyambo ya Afrika Tshipembe u thoma Khethekanyo ya Lushaka ya Ṱhalusamaipfhi (NLU) u bveledza ṱhalusamaipfhi ya luambo luṅwe na luṅwe lwa tshiofisi. Khethekanyo dza Lushaka dza Ṱhalusamaipfhi (NLUs) dzi ṱuṱuwedza mveledziso ya luambo nga u kuvhanganya na u dzudzanya ṱhalusamaipfhi na zwiṅwe zwidodombedzwa zwine zwa vha na vhushaka na luambo lwonolwo lwa tshiofisi kha ḽa Afrika Tshipembe. Khethekanyo dzenedzo dzi tea u shuma sa khamphani fhasi ha (Mulayo wa vhu 71 wa ṅwaha wa 2008) u langaho dzikhamphani.
Izwi zwi swikisa kha thambo ya miraḓo ya lushaka na Vhoradzipfhunzo, Vhaḓivhi vha mvelele na madzangano a sialala na zwiimiswa u nanga vhathu vhane vha ḓo shuma kha Khoro ya vhalanguli ya NLUs ya nyambo dzi tevhelaho: Sepedi/Sesotho sa Leboa, Sesotho, Setswana, Siswati, Tshivenḓa, Xitsonga, Afrikaans, English, isiNdebele, isiXhosa, na isiZulu. Khoro ya vhalanguli iṅwe na iṅwe i ḓo tea u thusa Khethekanyo yayo ya Ṱhalusamaipfhi ya Lushaka u bveledza ṱhalusamaipfhi na zwiṅwe zwidodombedzwa zwa maṅwalwa zwo fhimaho u ṱuṱuwedza mveledziso na u shumiswa ha luambo nga vhaṋe vhalwo kana vhane vha amba lwone, ngudo, na zwiṅwe zwishumiswa zwa ndeme/phurofeshinala. Vhukati ha miṅwe ya mishumo ya khoro, khoro i ḓo tea u lavhelesa zwa kushumele kwa masheleni, vhathu, na zwiṅwe zwishumiswa zwine zwa vha hone u bveledzisa zwa ṱhaluso, u sika na u khakhulula mbekanyamaitele na pulane dzine dza tea u tevhedzwa uri hu swikelelwe zwipikwa zwa u ṅwalwa khanḓiso, na u kunguwedzwa ha ṱhalusamaipfhi na mveledziso ya maṅwe maṅwalwa.
ṰHOḒEA/VHUKONI
Vhanangiwa vha tea u vha vhe na dzangalelo la mveledziso ya luambo. Nga nṱha ha zwenezwo vha tea u vha na tshithihi tsha zwi tevhelaho:
1. Nḓivho ya zwa ṱhaluso ya maipfhi kana maṅwalwa (Nzudzanyo na Mveledziso ya Ṱhalusamaipfhi) ndi yone ṱhoḓea khulwane,
2. vhukoni kha zwa ndaulo na vhurangaphanḓa,
3. vhukoni kha zwa ndaulo ya masheleni,
4. nḓivho ya zwa mulayo,
5. vhukoni ha zwa mbambadzo
U tea u vha a tshi amba luambo lune a khou nangelwa u shuma ngalwo. Nahone luambo lwonolwo kha lu vhe lwa u thoma khae kana lwa ḓamuni.
Zwa u nangiwa zwi tea u itwa nga u tou ṅwalwa ho katelwa zwi tevhelaho:
• Vhuimo, madzina nga vhuḓalo, ḓiresi (ya vhadzulapo na ya poswo), zwidodombedzwa zwa vhudavhidzani (imeiḽi na nomboro ya luṱingo) zwa munangiwa, masiaṱari mavhili a zwidodombedzwa zwa vhuṋe (CV) zwa munangiwa. Afho kha zwidodombedzwa zwa vhuṋe kana CV hu tea u bviselwa khagala zwi tevhelaho: madzina a munangiwa nga vhuḓalo, nomboro ya basa, mbeu, zwidodombedzwa zwa vhudavhidzani (imeiḽi na nomboro ya luṱingo), ḓiresi (ya vhudzulo na ya poswo), vundu ḽine a bva khaḽo, ṱhalutshedzo pfhufhi ya tshenzhemo, nḓivho, na vhukoni siani a ḽuambo kana mvelele.
• Ndalukanyo dza ngudo na khanḓiso ya basa zwa munangiwa zwo khwaṱhisedzwaho kana u givhiwa mapholisani.
• Zwiṅwe zwidodombedzwa zwi tikedzaho ho katelwa na madzina na zwidodombedzwa zwa vhudavhidzani zwa vhathu vhavhili vhane vha nga kwamiwa. Muthihi wa vhenevho vhathu u tea u vha a tshi bva kha tshiimiswa kana dzangano ḽa zwa luambo, mvelele, sialala kana zwa vhadzulapo.
• Ḽiṅwalo ḽa siaṱari ḽithihi ḽo sainwaho nga muthu ane a khou nanga, ḽine ḽa bvisela khagala mbuno dza uri ndi ngani vha tshi vhona uyo we vha mu nanga a tshi swikelela ṱhoḓea dza mveledziso ya luambo.
U nangiwa hoṱhe hu songo ḓi tikaho nga izwo zwo dodombedzwaho afho nṱha a hu nga ṱanganedzwi.
U wana vhuṱanzi nga vhuḓalo nga ha maitele a zwithu na ṱhoḓea vha nga dalela lubuvhisia lwa Bodonyangaredzi ya nyambo dza Afrika Tshipembe (PanSALB) ya www.pansalb.org kana vha kwama nga luṱingo vho:
Vho Nonkululeko Mkhize Kha: (012) 341 9638 Imeiḽi: nonkululeko@pansalb.org
Zwa u dzinginya kana u nanga zwi tea u rumelwa kha: Muofisi Mulangi Muhulwane, Kha: Mveledziso na u shumiswa ha Luambo, Bodonyangaredzi ya Nyambo ya Afrika Tshipembe Nga imeiḽi: nominations-nlu@pansalb.org
Nga u posa kha ḓiresi: Private Bag X08, Arcadia, 0007
Nga tshanḓa vha nga isa: 5th Floor, Provisus Building, 523 Stanza Bopape Street, Arcadia, 0083
Ḓuvha la u vala: 23 Luhuhi 2024
A HU NGA ḒO TANGANEDZWA KHUMBELO DZA U NANGA DZINE DZA DO RUMELWA NGA FEKISI.
