ḼIṄWALO ḼA VHO RAMAFHUNGO
ḼINE ḼA ḒO BVISWA NGA TSHIHAḒU
08 SHUNDUNTHULE 2023, PRETORIA
PanSALB yo ṱalutshedza Mupeleṱo wa luambo lwa Xitsonga une wa vha kha tshelede ya bambiri ntswa
Bodonyangaredzi ya Nyambo dza Afrika Tshipembe (PanSALB) yo dzhiela nṱha mbilahelo dzo itwaho malugana na Bannga Ya Vhukati ya Afrika Tshipembe (SARB) kha tshanduko ye SARB ya ita ya mupeleṱo wa luambo lwa Xitsonga kha tshelede dza mabambiri na dza mapeni, u bva kha “Banginkulu” u ya kha “Bangikulu”. Hezwi ndi u ṱoḓa u ḓivhadza tshitshavha uri ho vha na nyambedzano vhukati ha SARB na PanSALB nahone maipfhi ayo o vha o sedzuluswa na u khwaṱhisedzwa nga Khoro ya Lushaka ya Luambo lwa Xitsonga ine ya vha iṅwe ya Khoro dza u tsivhudza Bodo ya PanSALB dze dza thomiwa nga Mulayo wa PanSALB.
Zwo ralo, vha Bodonyangaredzi ya Nyambo dza Afrika Tshipembe vha khou khwaṱhisedza uri maipfhi o ṅwalwaho nga Xitsonga “Bangikulu” kha tshanduko dzo itwaho kha tshelede dza mabambiri ndi one nahone a khou elana na zwo ṅwalwaho kha tshibugwana tsha Milayo miswa ya Kupeleṱele na Kuṅwalele yo sedzuluswaho, tshine tsha vha hone kha nyambo dzoṱhe dza 11 kha website ya PanSALB kha www.pansalb.org.
Khoro dza Lushaka dza Nyambo dzo thomiwa sa mazhendedzi a u alusa nyambo ho sedzwa ndinganyiso kha nyambo dzoṱhe zwine zwa amba ndinganyiso ya nyambo na u sedzuluswa ha theminoḽodzhi.
Nga ha PanSALB
Bodonyangaredzi ya Nyambo dza Afrika Tshipembe ndi Bodo ine ya vha mulayoni u ya nga Mulayo wa PanSALB wa vhu 59 wa ṅwaha wa 1995 sa zwe zwa shandukiswa nga ṅwaha wa 1999 u itela u ḓivhadza, u thoma na vhundeme ha nyambonnzhi Afrika Tshipembe na nyaluwo ya nyambo dze dza vha dzi sa dzhielwi nṱha.
MAGUMO
Zwo bvisa nga fhasi ha PanSALB nga vho: Ntombentle Huluhulu
Muhulwane: Mimaraga na zwa Vhudavhidzani
Luṱingo: 061 581 5216